Уште 21 израелски војник повреден во Појасот Газа и Либан

ЕРУСАЛИМ (АА) - Најмалку уште 21 израелски војник е повреден во нападите врз Појасот Газа и Јужен Либан во последните 24 часа, соопшти денес армијата, пренесува Анадолу.

Бројките објавени од армијата покажуваат дека животот го изгубиле околу 780 војници, а 5.282 се повредени од избувнувањето на конфликтот во Газа на 7 октомври 2023 година.

Тензиите ескалираа поради воздушната кампања на израелската војска врз Либан која почна на крајот на септември против, како што се тврди, локации на Хезболах што претставува ескалација на едногодишната прекугранична војна меѓу Израел и либанската група од почетокот на бруталната израелска офанзива во Појасот Газа.

Според либанските здравствени власти, во израелските напади од октомври 2023 година досега убиени се повеќе од 3.000 луѓе, а над 13.500 се повредени.

Израел го прошири конфликтот со копнениот упад во Јужен Либан на 1 октомври оваа година.