ИСТАНБУЛ (АА) - Министерот за надворешни работи на Туркије, Хакан Фидан, истакна дека неговата земја очекува Ирак официјално да ја признае ПКК како терористичка организација, јавува Анадолу.
Говорејќи на заедничката прес-конференција со неговиот ирачки колега Фуад Хусеин во главниот град на Ирак, Багдад, Фидан рече: „Очекуваме Ирак, поради пријателство и братство, официјално да ја признае ПКК како терористичка организација.“
„Не смееме да дозволиме терористичката организација ПКК, која е заеднички непријател на Турција и Ирак, да ги труе нашите билатерални односи. Не можеме да прифатиме ПКК да го оспорува суверенитетот на Ирак“, додаде Фидан.
Тој нагласи дека територијалниот интегритет, политичкото единство и суверенитет на Ирак се еден од приоритетите на Туркије.
„Синџар, Махмур, Кандил, Сулејманија и многу други ирачки села се окупирани од терористичката група ПКК“, истакна тој.
Во својата повеќе од 35-годишна терористичка кампања против Туркије, ПКК, која се наоѓа на листата на терористички организации на Туркије, ОК, САД и ЕУ, е одговорна за смртта на над 40.000 луѓе, вклучувајќи жени, деца и бебиња. ЈПГ е нејзин сириски огранок.
