Фон дер Лајен: „Мароко е првиот трговски партнер на ЕУ во Африка“

АНКАРА (АА) - Мароко е првиот партнер на Европската Унија на полето на економијата и трговијата на африканскиот континент, изјави претседателката на Комисијата на Европската Унија, Урсула фон дер Лајен, пренесува Агенција Анадолија (АА).

„Говорејќи на прес-конференција во главниот град Рабат со мароканскиот премиер Азиз Ахануч, Фон дер Лајен ја потврди волјата на ЕУ да продолжи да го продлабочува своето стратешко, блиско и цврсто партнерство со Мароко“, објави Мароканската новинска агенција (МАП).

Посетата беше нејзина прва посета на кралството како претседател на Европската комисија.

Фон дер Лајен, исто така, го истакна придонесот на Европејците кои живеат во Мароко и Мароканците кои живеат во Европа за заемното збогатување на културите кои меѓусебно влијаеле со векови.

Таа посочи дека нејзината средба со шефот на Владата била можност да се разговара за глобалните предизвици со кои се соочува Мароко и Европа, додавајќи дека за да се одговори на овие предизвици, двете страни мора заедно да најдат решенија во рамките на нивното партнерство.