Франција: Пожарот во Жиронд ставен под контрола

АНКАРА (АА) - Пожарот што на 12 јули изби во Жиронд, во југозападниот дел на Франција, ставен е под контрола, пренесува Агенција Анадолија (АА).

Локалните медиуми известија дека е запрено ширењето на пожарот во Ландирас откако по 12 дена на истото подрачје во Ла Тест де Биш огнената стихија беше ставена под контрола.

Канцеларијата на гувернерот соопшти дека над десетина илјади евакуирани ќе можат да се вратат во своите домови.

Изгореа околу 20.800 хектари зелена површина, од кои 13.800 во Ландирас и околу 7.000 во Ла Тест де Биш.

Тимовите настојуваат да ги изгасат пожарите на подрачјата на кои временските услови не го дозволуваат тоа.

Чадот и мирисот стигнуваат и до Париз, а бројни туристи ги откажуваат посетите на овие подрачја.