Nur Asena Ertürk
17 Јули 2024•Ажурирај: 18 Јули 2024
АНКАРА (АА) - Францускиот претседател Емануел Макрон ја прифати оставката на премиерот по резултатите од предвремените избори, пренесува Анадолу.
„Премиерот Габриел Атал ја поднесе оставката од Владата до претседателот Емануел Макрон, кој ја прифати денеска“, соопшти француската Влада на X.
„Атал ќе продолжи да се занимава со работите на Владата додека не се формира нова Влада“, се додава.
Атал поднесе оставка на 8 јули, по вториот круг од изборите. Макрон побара од него да продолжи да работи на функцијата „засега“ со цел да се „обезбеди стабилност во земјата“, изјавија извори во Елисејската палата за телевизијата БФМТВ.
Левичарската алијанса Нов народен фронт (НФП), кој се очекува да добие најмногу места во Националното собрание, Долниот дом на Парламентот, започна да бара кандидат кој ќе го предложи за премиер.
Интензивната работа доведе до разлики во мислењата, дури и до поделби внатре во НФП, која бара солидно име како предлог на Макрон.
Политичките партии остро го критикуваа Макрон за одбивањето на оставката на Атал, одложувајќи го процесот и предизвикувајќи нестабилност во земјата.
Новиот народен фронт би можел да освои над 180 места. Центристичката алијанса, Заедно за Републиката, поддржана од Макрон, заврши на второто место со над 160 места, додека РН на Марин Ле Пен освои над 140 места.
Националното собрание има 577 места, а ниту една од трите првични алијанси не се очекува да освои апсолутно мнозинство од 289 пратеници.
Првиот круг се одржа на 30 јуни, а 76 кандидати беа избрани без втор круг.
РН доби само 29,26 отсто од гласовите (37 места), бројка што се зголемува на повеќе од 33 отсто во комбинација со своите сојузници.
НФП освои 28,06 отсто (32 места), по што следува центристичкиот Заедно со нешто над 20,04 отсто (две места).
Макрон го распушти Парламентот и најави предвремени избори откако РН освои повеќе од 31 отсто од гласовите на изборите за Европскиот парламент на 9 јуни, победувајќи го неговиот центристички блок.
