Хакиран сајтот на руската државна агенција ТАСС

МОСКВА (АА) – На кибернапади е подложена веб-страницата на руската државна новинска агенција ТАСС, пренесува Агенција Анадолија (АА).

Во соопштението на ТАСС се наведува дека официјалната веб-страница на Агенцијата била хакирана, а напаѓачите објавиле неточни информации на страницата.

Исто така се нагласува дека информациите што се објавуваат немаат никаква врска со уредништвото на ТАСС.

„Последниве денови веб-страницата на ТАСС постојано е изложена на големи хакерски напади. Денеска напаѓачите успеаја да ја хакираат. Во моментов се работи на враќање на функционалноста на веб-страницата на ТАСС", се вели во соопштението.

Освен оваа веб-страница, се наведува дека се хакирани и голем број други големи руски медиуми.

Страницата на ТАСС, што беше цел на кибернапади, содржеше една вест во која се повикува народот „да излезе на улица против војната“.