Харис го откажа својот говор, Трамп се подготвува за победнички говор

ВАШИНГТОН (АА) - Со оглед на тоа што претседателската трка во Соединетите Држави привршува, објавено е дека кандидатката на демократите Камала Харис нема да одржи говор, додека републиканецот Доналд Трамп се подготвува за својот победнички говор, известува Анадолу.

Изјава даде Седрик Ричмонд, менаџерот на кампањата на кандидатката Харис, која заостанува зад нејзиниот ривал Трамп по бројот на делегати во претседателската трка во САД.

Ричмонд на говорницата на платформата поставена на Универзитетот Хауард во главниот град Вашингтон, од каде Харис ги следеше изборните резултати, одржа кратко обраќање во кое рече дека Харис нема да одржи говор.

„Има уште гласови кои треба да се пребројат, има држави чии резултати сè уште не се објавени“, рече Ричмонд пред народот што дојде во кампусот да ја поддржи Харис, додавајќи дека Харис утре ќе излезе со изјава за изборните резултати.

- Подготовки за прослава од тимот на Трамп

Од друга страна, во вестите што се рефлектираат во американските медиуми, се наведува дека Трамп, кој изгледа дека е на чекор до победа на овие избори, се подготвува да одржи победнички говор во конгресниот центар блиску до неговиот кампус во Флордија.

Во вестите се наведува дека тимот на Трамп отишол во конгресниот центар каде републиканскиот кандидат ќе одржи говор.