Шест земји членки на ЕУ сакаат да ги вратат назад Авганистанците чии барања за азил се одбиени

АМСТЕРДАМ

Шест земји членки на Европската Унија (ЕУ) во заедничкото писмо напишано до Европската комисија наведоа дека сакаат да продолжат да ги испраќаат назад авганистанските граѓани чии барања за азил се одбиени, пренесува Агенција Анадолија (АА).

Владите на Холандија, Австрија, Германија, Белгија, Данска и Грција бараат екстрадиција на авганистанските државјани чии барања за азил се одбиени и за кои сите правни патишта се исцрпени.

Во писмото потпишано од министрите за внатрешни работи или миграција на 6 земји членки на ЕУ се истакнува дека Авганистан е втора земја со најголем број барања за азил во ЕУ во 2020 година и дека тој тренд ќе продолжи.

Меѓу другото, се нагласува дека ако не се испратат назад Авганистанците чии барања за азил се одбиени ќе се „даде погрешна порака и ќе се предизвикаат повеќе барања за азил“.

Исто така, се наведува дека приближно 4,6 милиони Авганистанци се раселени и дека Комисијата на ЕУ е повикана да соработува со Авганистан и околните земји за прашањето за азил.

Повикувајќи се на декларацијата од 28 април 2021 година, потпишана помеѓу ЕУ и авганистанската Влада, се додава дека процесот на враќање нема да биде запрен еднострано и дека таквите одлуки треба да се донесат заеднички.

- Здруженијата на бегалци го критикуваа писмото

Здружението „Флухтелигенверк Недерланд“ (Vluchtelingenwerk Nederland), кое ги поддржува бегалците во Холандија, во изјавата споделена на Твитер во врска со писмото на 6 земји од ЕУ го критикуваше барањето на Холандија во оваа насока, наведувајќи дека испраќањето назад на авганистанските државјани е „многу опасно коцкање“.

Хералд Кнаус, основачот на Европската иницијатива за стабилност, која работи на миграциските политики во Европа, во својата порака на Твитер напиша: „Најсрамниот документ за надворешна политика што некогаш ќе се појави во историските книги.“

Реагирајќи на писмото, Хана Нојман, членка на Партијата на зелените во Парламентот на ЕУ, во врска со иницијативата на 6-те земји рече: „Зошто Германија го потпиша ова срамно писмо?“

Авганистанското Министерство за миграција, во своето писмо од 8 јули 2021 година, испратено до Комисијата на ЕУ, соопшти дека 3 месеци е запрено повлекувањето на авганистанските граѓани чии барања за азил биле одбиени и дека ќе бидат вратени назад поради оваа причина.