Германија: Во автобуска несреќа загина едно лице, 13 се повредени

БЕРЛИН

Во судир на камион и автобус, што се случи синоќа во централниот дел на Германија, животот го загуби едно лице, а 13 се повредени, пренесува Агенција Анадолија (АА).

Несреќата се случи во местото Лангенхаген, во близина на Хановер, откако камион удри во автобус. Во несреќата животот го загуби 29-годишна жена. Меѓу повредените се и возачите на двете возила.

Несреќата се случи синоќа на раскрсницата во Лангенхаген, каде што семафорите биле исклучени. Според локалните лица, автобусот требало да застане на раскрсницата и да му даде предност на камионот, но не го сторил тоа, по што камионот се забил во автобусот.

Бидејќи и двајцата возачи се повредени, полицијата сѐ уште во потполност не може да го истражи случајот, објави германската агенција ДПА (DPA).