Шест лица се ранети во пукотница во трговски центар во САД

КАНЗАС СИТИ (АА) - Шест лица се ранети во пукотница во популарен трговски центар во Канзас Сити, Мисури, соопштија властите, јавува Анадолу.

Во трговскиот центар полицијата пронашла две повредени лица, а подоцна добила информација дека уште четири лица се упатиле во болница со приватно возило.

„Се очекува повредените да преживеат“, изјави портпаролот на полицијата, Џејк Бекина.

Повеќето од повредените биле во доцни тинејџерски години или рани дваесетти, но полицијата соопшти дека една жртва имала најмалку 50 години.

Не е познато дали некои или сите повредени се вклучени во расправијата или се случајни минувачи.

Очевидците ѝ рекоа на полицијата дека вербалната расправија меѓу две групи довела до пукотници што им предизвикале материјална штета на некои бизниси во трговскиот центар.

„Неколку лица се приведени на сослушување на местото на настанот“, рече Бекина, но полицијата сè уште не потврди дека има уапсени.