Шефицата за национална безбедност на САД: Во Минеаполис се уапсени над 10.000 мигранти

ВАШИНГТОН (АА) - Министерката за внатрешна безбедност на САД, Кристи Ноем, изјави дека нејзиниот оддел уапсил над 10.000 мигранти во Минеаполис, Минесота, како дел од тековната акција против имиграцијата, јавува Анадолу.

„Уапсивме над 10.000 криминални илегални странци кои убиваа Американци, повредуваа деца и ширеа терор во Минеаполис“, рече Ноем во соопштението.

Ноем ги обвини гувернерот на Минесота, Тим Волц, и градоначалникот на Минеаполис, Џејкоб Фреј, за она што го нарече неуспех во заштитата на жителите, обвинувајќи ги дека заштитуваат „криминалци“.

„Во текот на изминатите шест недели, службениците за спроведување на законот уапсија 3.000 мигранти“, рече Ноем.

Минеаполис стана жариште во националната дебата за спроведување на законите за имиграција откако агент на Службата за имиграција и царина (ICE) смртно ја застрела 37-годишната Рене Никол Гуд на 7 јануари.

Убиството на Гуд, Американка и мајка, предизвика широка јавна и политичка реакција, како и барања за истраги на локално, државно и федерално ниво.