Германската полиција нападна фудбалски навивач кој носеше палестинско знаме

ИСТАНБУЛ (АА) - Германската полиција нападна навивач на шкотскиот фудбалски клуб Селтик и го турна на земја затоа што носел палестинско знаме, јавува Анадолу.

Инцидентот се случи за време на синоќешниот натпревар од Лигата на шампиони на УЕФА против Селтик на домашниот терен на Борусија Дортмунд, „Сигнал Идуна Парк“, каде тројца од пет полицајци го држеа на земја со колената фудбалскиот навивач неколку минути.

Израел ја продолжи својата брутална офанзива врз Појасот Газа и покрај резолуцијата на Советот за безбедност на Обединетите нации која повикува на итен прекин на огнот, по нападот на Хамас на 7 октомври минатата година.

Оттогаш, во израелските напади убиени се над 41.600 Палестинци, главно жени и деца, а над 96.600 се повредени, според локалните здравствени власти.

Израел започна масовни воздушни напади од 23 септември и против, како што ги нарече, позиции на Хезболах низ Либан, во кои убиени се 1.928 луѓе, а речиси 9.300 се повредени, според податоците на либанското Министерство за здравство.