Поставувањето на статуата на Кристијано Роналдо ја подели јавноста во Индија

АНКАРА

Подигнувањето на статуа на португалскиот репрезентативец Кристијано Роналдо во Индија предизвика различни мислења во земјата, пренесува Агенција Анадолија (АА).

Според веста на „Би-би-си“ (BBC), поставувањето на статуата на славниот фудбалер Роналдо на 60-годишнината од независноста на Гоа, која беше поранешна португалска колонија, предизвика критики.

Некои од критичарите наведуваат дека би било посоодветно да се постави статуа на локален фудбалер на местото на Роналдо за да ги инспирира младите.

„Разочаран сум откако слушнав дека статуата на Роналдо е поставена. Научете да се гордеете со нашите сопствени икони, како што се Самир Наик и Бруно Кутињо“, изјави еден од демонстрантите за новинската агенција ИАНС (IANS).

Во весникот „Тајмс оф Индиа“ (Times of India) е забележано дека некои демонстранти подигнале црно знаме за време на отворањето на статуата.

Мајкл Лобо, пратеникот на партијата Баратија Џаната (BJP), на својот профил на Твитер истакна дека статуата е поставена на барање на младите за да ги инспирира.