Роналдо стана втор најдобар стрелец на сите времиња

ИСТАНБУЛ (АА) - Кристијано Роналдо го надмина Пеле со својот 758-ми гол и стана втор најдобар стрелец во историјата по вчерашниот натпревар помеѓу Јувентус и Удинезе, што заврши со резултат 4:1, јавува Агенција Анадолија (АА).

Португалската суперѕвезда Роналдо го постигна првиот гол во 31. минута на стадионот на Јувентус.

Федерико Киеса го зајакна водството во 49. минута, а Роналдо го постигна третиот гол на неговиот тим во 70. минута.

Во 90. минута, холандскиот дефанзивец Марвин Зегелар го постигна единствениот гол за Удинезе, доведувајќи го резултатот на 3:1.

Во судиското надополнување, Пауло Дибала постигна уште еден гол повеќе, а натпреварот заврши со резултат 4:1.

Петтопласираниот Јувентус ги зголеми бодовите на 27, а тимот од Торино сега заостанува 10 бода од лидерот во Серија А, Милан.

УЕФА претходно соопшти дека чешко-австрискиот напаѓач Јозеф Бикан е најдобриот стрелец на сите времиња со 805 голови во кариерата.