Bedrudin Brlyavac
14 Декември 2019•Ажурирај: 14 Декември 2019
МАДРИД (АА) - Следната сезона за Себастијан Фетел би можела да биде последна во болидот на Ферари, пренесува Агенција Анадолија (AA).
Екипата на Ферари на повеќекратниот светски шампион сè уште не му понудила продолжување на договорот поради скромните настапи оваа сезона.
Шпанската „Марка“ („Marca“) пишува дека целта на Ферари е да го донесе Луис Хамилтон во 2021 година, тврдејќи дека Фетел не е задоволен од таквите вести и дека веќе размислува за следниот тим, а тоа би можело да биде Мекларен.
Германскиот возач, наводно, веќе контактирал со Андреас Сеидл, спортскиот директор на Мекларен, за да разговара за можна соработка.
Двајцата соработуваа уште додека Фетел беше во БМВ Заубер.
