Французинот Мангала останува во Манчестер Сити до 2020 година

ИСТАНБУЛ (АА) - Тимот на англискиот прволигаш Манчестер Сити го продолжи договорот за една година со францускиот фудбалер Елијаким Мангала, пренесува Anadolu Agency (AA).

Во соопштението од англискиот клуб се наведува дека 28-годишниот играч на стадионот „Етихад“ ќе остане до 2020 година.

Мангала професионалната фудбалска кариера ја започна во тимот на белгискиот Стандард Лиеж. Французинот многу добро се покажа во редовите на португалскиот Порто, од каде што во 2014 година премина кај „граѓаните“.