25 Јануари 2021•Ажурирај: 27 Јануари 2021
ЛОНДОН (АА) - Фудбалскиот клуб Челси денес го отпушти главниот тренер Френк Лампард, потврдено е од лондонскиот клуб, пренесува Агенција Анадолија (АА).
„Ова беше многу тешка одлука, а не онаа која сопственикот и управата лесно ја сфатија“, наведоа од клубот од Стенфорд Бриџ и додадоа:
„Благодарни сме му на Френк за она што го постигна во своето време како главен тренер на клубот. Меѓутоа, неодамнешните резултати и настапи не ги исполнија очекувањата на клубот.“
„Никогаш не може да биде добро време за разидување со клупска легенда како што е Френк“, наведоа од англискиот премиерлигаш, но по долго размислување и разгледување е одлучено дека сега е потребна промена кога на клубот би му се дало време да ги подобри настапите и резултатите од оваа сезона.
Роман Абрамовиќ, сопственикот на клубот, изјави дека ова била многу тешка одлука за клубот, не само затоа што со Франк има одлични лични односи и особено го почитува. „Тој е човек со голем интегритет и има најголема работна етика. Меѓутоа, во моменталните околности веруваме дека е најдобро да го промениме менаџерот.“
„Во име на сите во клубот, Одборот и лично, сакам да му се заблагодарам на Френк за неговата работа како главен тренер и да му посакам успех во иднина. Тој е важна икона на овој голем клуб и неговиот статус тука останува ненамален. Секогаш топло ќе го дочекаме на Стенфорд Бриџ“, порача тој.
Како што е истакнато, клубот нема да дава понатамошни коментари сè додека не биде именуван нов главен тренер.
Челси во моментот е деветти во Премиер лигата со 29 бодови и двоцифрена разлика зад водечкиот Манчестер Јунајтед.
