Јувентус е старо-новиот фудбалски шампион на Италија

СКОПЈЕ

На пет кола пред крајот во Серија А, екипата на Јувентус е новиот фудбалски шампион на Италија, јавува Anadolu Agency (AA).

Во рамките на 33. коло на италијанската Серија А, Јувентус на домашен терен ја пречека екипата на Фиорентина. Иако гостите уште во 6. минута поведоа со 0:1, Јувентус изедначи во 35. минута од натпреварот, а конечните 2:1 беа поставени по автоголот на Герман Пезела во 53. минута.

Второпласираниот Наполи утре го игра последниот натпревар од 33. коло во Серија А, но по победата на Јувентус, ги загуби и теоретските шанси за титула. Јувентус е старо-новиот фудбалски шампион на Италија.

Ова е 8-ма титула што Јувентус ја освои едноподруго во последните осум сезони, 35 во историјата на клубот.