Јувентус потврди дека Кристијано Роналдо го напушта клубот

АНКАРА

Тренерот на италијанскиот фудбалски клуб Јувентус, Масимилијано Алегри, денеска на прес-конференција го потврди заминувањето на Кристијано Роналдо од Јувентус, јавува Агенција Анадолија (АА).

„Вчера Кристијано ми рече дека повеќе нема намера да игра за Јувентус. Поради оваа причина, нема да биде повикан за утрешниот натпревар“, рече Алегри.

Италијанскиот тренер нагласи дека Роналдо го дал својот придонес за тимот и дека тие треба да продолжат понатаму, нагласувајќи дека иако другите работи може да се променат, Јувентус останува.

Тој додаде дека на Роналдо треба да му се заблагодари за она што го направил за тимот.

Се појавија гласини дека 36-годишната португалска ѕвезда има намера да се приклучи на премиерлигашот Манчестер Сити по неговото заминување од Јувентус.