Can Erözden
24 Декември 2018•Ажурирај: 25 Декември 2018
ЕДРЕНЕ / ЧАНАККАЛЕ (АА) - Во северозападниот дел на Турција, во текот на денешниот ден, задржани се вкупно 458 нерегуларни мигранти, јавува Anadolu Agency (AA).
Извори од жандармеријата соопштија дека од вкупниот број мигранти, 386 се фатени во северозападната турска област Едрене.
Меѓу мигрантите има ирански, сомалиски, палестински и марокански државјани. Тие се упатени во локалниот центар за миграции.
Во друга операција во Чанаккале, жандармеријата фати 72 нерегуларни мигранти, кои сакале да стигнат до грчкиот остров Лезбос.
Четири лица се уапсени под сомнение за организирање криумчарење на луѓе.
Судот притвори еден осомничен, додека тројца други се ослободени под судски надзор.
Турција е главната рута за бегалците кои се обидуваат да стигнат во Европа, особено од почетокот на граѓанската војна во Сирија.
