Во Турција фатени близу 230 нерегуларни мигранти

АНКАРА (АА) - Низ Турција фатени се речиси 230 нерегуларни мигранти, јавува Anadolu Agency (AA).

Безбедносни извори соопштија дека во северозападната турска област Киркларели, во подрачјето на Кофчаз и Демиркој фатени се 73 нерегуларни мигранти, меѓу кои и жени и деца.

Мигрантите, државјани на Авганистан, Пакистан, Ирак и Иран, се фатени во обид да стигнат во Европа.

Безбедносните сили во подрачјето на Аралик, во североисточната област Игдир, фатиле 16 државјани на Авганистан, меѓу кои и жени и деца.

Во друг случај, фатени се 39 нерегуларни мигранти од Сирија од страна на жандармеријата и Крајбрежната стража во Алтинозу, во турската област Хатај.

Во источната област Ван, пак, безбедносните сили задржале 80 нерегуларни мигранти од Авганистан и Пакистан.

Во Бодрум, Мугла, 21 мигрант се пронајдени недалеку од островот Тулуџе. Меѓу мигрантите од Сомалија, Сирија и Палестина имало и деца.

Безбедносните сили уапсија тројца осомничени лица за криумчарење луѓе.

Турција е главна рута за нерегуларните мигранти кои се обидуваат да стигнат до Европа, особено по почетокот на граѓанската војна во Сирија во 2011 година.