Двајца терористи на ПКК/КЏК приведени и вратени во Туркије

АНКАРА (АА) – Двајца терористи на ПКК/КЏК се приведени и вратени во Туркије од страна на турските разузнавачки сили, изјави денеска безбедносен извор, јавува Агенција Анадолија (АА).

„Атила Чичек со кодно име „Лехенк“ и Хусеин Јилдирим со кодно име „Алисер“ беа фатени од страна на Турската национална разузнавачка организација (МИТ) во операции во близина на границата“, рече изворот, кој побара анонимност поради ограничувањата за разговор со медиумите.

Чичек беше во највисоката категорија на списокот на барани терористи на Министерството за внатрешни работи.

Тој изврши смртоносни терористички напади на турска територија, вклучително и оној во 2012 година во кој загинаа 7 лица, меѓу кои 6 војници, во источната провинција Тунџели.

„Друг неодамнешен напад беше извршен во 2020 година во Догубајазит, област во источната област Агри, во кој загинаа двајца војници“, рече изворот.

Што се однесува до Алисер, изворот рече дека тој бил вклучен во терористички активности во Ирак и Сирија.

Во својата над 35-годишна терористичка кампања против Туркије, ПКК, која се наоѓа на листата на терористички организации на Туркије, САД и ЕУ, одговорна е за смртта на над 40.000 луѓе, вклучувајќи жени, деца и доенчиња. ЈПГ е сириски огранок на ПКК.