Ердоган и саудискиот принц Селман разговараа за односите меѓу Турција и Саудиска Арабија

АНКАРА (АА) - Турскиот претседател Реџеп Таип Ердоган телефонски разговараше со саудискиот престолонаследник Мухамед бин Селман, јавува Агенција Анадолија (АА).

Од Дирекцијата за комуникации при претседателството на Турција се наведува дека Ердоган е информиран за здравствената состојба на саудискиот крал Селман бин Абдулазиз ал Сауд, кој се наоѓа во болница заради здравствена контрола.

Ердоган во таа прилика на саудискиот крал Селман му упати желби за што побрзо оздравување.

Ердоган и саудискиот принц разговараа и за односите меѓу Турција и Саудиска Арабија, како и за регионални прашања.