Ердоган: Мировните преговори меѓу Русија и Украина би можеле да продолжат во Турција

ИСТАНБУЛ (АА) - Турскиот претседател, Реџеп Таип Ердоган, денес изрази надеж дека Турција повторно ќе игра централна улога во посредувањето меѓу Русија и Украина, алудирајќи на продолжувањето на мировните напори на турско тло, известува Анаадолу.

„Исто како што преговарачката маса (меѓу Русија и Украина) беше воспоставена во Истанбул, и мировната маса ќе биде воспоставена во Турција во не толку далечна иднина, и оваа крвава војна ќе заврши“, рече Ердоган, обраќајќи им се на новинарите по состанокот на кабинетот во Анкара.

Русија и Украина одржаа трета рунда обновени мировни преговори во Истанбул на 23 јули, по разговорите што се одржаа во мај и јуни.