Ердоган на Самитот на Г20: За оживување на глобалната трговија треба силна соработка и одржливи синџири на снабдување

ИСТАНБУЛ (АА) – Турскиот претседател Реџеп Таип Ердоган денес изјави дека за оживување на глобалната трговија се потребни длабоко вкоренета меѓународна соработка, нови алатки на политики и одржливи синџири на снабдување, јавува Анадолу

Во обраќањето на Самитот на лидерите на Г20 во Јоханесбург, Јужноафриканската Република, Ердоган ја изрази поддршката на Анкара за усвојување на пристап базиран на фер и еднаков третман во процесите на реструктуирање на долгот, особено за земјите со ниски приходи.

„Го повикувам целиот Г20 да преземе поголема одговорност во градењето поинклузивна глобална економија каде што никој не е оставен настрана“, додаде Ердоган.

Турскиот претседател престојува во Јоханесбург за дводневниот самит кој започна денес и се фокусира на решавање на некои од најитните предизвици во светот.