Ердоган ја прими девојката со пречки во развојот, автор на неговиот портрет

АНКАРА (АА) - Претседателот на Турција, Реџеп Таип Ердоган, во Анкара организираше прием за Ѓулшах Јамур Јазиџи, која боледува од церебрална парализа, и за нејзиното семејство, јавува Anadolu Agency (AA).

Ѓулшах нацрта портрет на турскиот претседател и го сподели на социјалната мрежа Твитер.

Сестрата на Ѓулшах во разговор со претседателот Ердоган истакна дека нејзината животна цел е да се грижи за својата сестра и му се заблагодари на претседателот за приемот и за тоа што ја усреќил нејзината сестра.

Таа истакна дека Ѓулшах завршила средно училиште без ничија помош. На девојката која исто така се состана и со турскиот премиер, Бинали Јилдирим, ѝ беше подарен компјутер, а направена е и заедничка фотографија со официјалните лица.

Турскиот претседател претходно ја повика Ѓулшах и ѝ се заблагодари за цртежот.