Трагедија во Егејско Море: Тримесечно бебе меѓу петмината мртви во потонувањето на глисер со мигранти

ЧАНАККАЛЕ (АА) - При потонување на глисер во северниот дел на Егејското Море животот го изгубија пет лица, меѓу кои и тримесечно бебе, јавува Anadolu Agency (АА).

Мигрантите со глисер се обиделе од Турција по илегален пат да стигнат до грчкиот остров Лезбос.

На глисерот се наоѓале лица од Авганистан и Иран, а потонал на оддалеченост од 500 метри од брегот, под сè уште неутврдени причини.

Екипите на Крајбрежната стража во турскиот Кучукују по дојава излегле на терен и од морето извлекле пет тела, меѓу кои и телото на тримесечно бебе, додека спасени се девет лица.

Од деветмината спасени лица, три се во тешка здравствена состојба и пренесени се во болницата Едремит.

Според изјавите на спасените лица, две лица се водат за исчезнати, по нив сè уште се трага.