Büşra Nur Bilgiç
03 Август 2019•Ажурирај: 05 Август 2019
АНКАРА
Турската разузнавачка служба (МИТ) и полицијата фатија терорист на ПКК/КЏК кој беше одговорен за организирање активности на терористичката организација во Европа, вели безбедносен извор, јавува Anadolu Agency (AA).
Уапсен во северозападната турска област Бурса, терористот идентификуван како М. С. ги водел активностите на терористичката организација во Европа од Норвешка, вели изворот, кој зборуваше под услов да остане анонимен.
Затворен поради членство во терористичката организација ПКК/КЏК, М. С. е исто така одговорен и за активностите на организацијата во Норвешка.
Во својата над 30-годишна терористичка кампања против Турција, ПКК, која се наоѓа на листата терористички организации на Турција, САД и ЕУ, одговорна е за смртта на речиси 40.000 лица, меѓу кои има и жени и деца.
