Турските безбедносни сили од почетокот на годината неутрализираа над 1.000 терористи

АНКАРА (АА) - Туркије неутрализира повеќе од 1.000 терористи на ПКК/ЈПГ од 1 јануари годинава, вклучително и оние што се кријат преку границата, во Ирак и северна Сирија, соопшти денес турското Министерств за национална одбрана, јавува Анадолу.

„Шеесет и седум терористи се неутрализирани само во последната недела“, изјави претставник на Министерството за новинарите на брифинг во главниот град Анкара.

„Вкупниот број терористи неутрализирани досега оваа година достигна 1.062“, додаде тој.

„Во Сирија се преземени сите неопходни мерки за одржување на безбедноста и стабилноста во областите на прекуграничните антитерористички операции на Туркије, а на терористичките напади се одговара соодветно.“

„Од јануари досега, терористичката организација ЈПГ/ПКК изврши 91 вознемирувачки инцидент и напад во областите на антитерористичките операции на Туркије, а 777 терористи се неутрализирани со итна интервенција на турските војници“, додаде тој.

Во својата над 35-годишна терористичка кампања против Туркије, ПКК, којашто е ставена на листата на терористички организации од страна на Туркије, САД и ЕУ, е одговорна за смртта на речиси 40.000 луѓе, меѓу кои и деца и жени.

Во врска со илегалните премини во Туркије, официјалниот претставник рече дека благодарение на дополнителните ефективни мерки, 4.931 лице, меѓу кои 369 се терористи, кои се обиделе илегално да ги преминат границите на Туркије, биле фатени од 1 јануари. Околу 138.000 луѓе биле спречени пред да ја преминат границата.

Туркије е клучна транзитна точка за нерегуларните мигранти кои сакаат да преминат во Европа за да започнат нов живот, особено оние кои бегаат од војна и прогон.

Земјата, која веќе е домаќин на 4 милиони бегалци, што е повеќе од која било друга земја во светот, презема нови мерки на своите граници за да спречи нов прилив на мигранти.

- Туркије ќе ја преземе командата на КФОР предводена од НАТО -

За турските војници кои беа распоредени како дел од силите на НАТО за одржување на редот во услови на тензии во Косово, официјалниот претставник рече дека задачата на турскиот баталјон се планира да продолжи до почетокот на септември.

Во јули, Туркије распореди војници во Косово на барање на Здружената команда на сојузничките сили на НАТО поради тензиите во земјата.

Тензиите во Косово се зголемија по изборот на градоначалници етнички Албанци во четири општини во северниот дел на земјата со доминантно српско население во април. Србите ги бојкотираа изборите, а потоа протестираа против резултатите и се обидоа да ги спречат градоначалниците да стапат на функција.

„Покрај тоа, командата на КФОР ќе биде преземена од нашата земја за период од една година почнувајќи од октомври“, рече турскиот претставник.