Турските сили неутрализираа тројца терористи на ПКК во Северен Ирак

ИСТАНБУЛ (АА) - Турските безбедносни сили неутрализираа тројца терористи на ПКК во Северен Ирак, соопшти денес турското Министерство за национална одбрана, јавува Анадолу.

Терористите се таргетирани во зоната на операцијата „Канџа-катанец“ во Северен Ирак, истакна Министерството.

Оттаму порачаа дека антитерористичките операции на Турските вооружени сили ќе продолжат со несмалено темпо.

Во својата речиси 40-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, вклучително деца и жени. ЈПГ е сириски огранок на ПКК.