Турското Министерство за одбрана вети дека ќе продолжи со напорите за борба против тероризмот

АНКАРА (АА) - Туркије ќе продолжи да презема решителни мерки против терористичките организации што се закана за територијалниот интегритет и регионалната стабилност на Сирија, изјави денес висок претставник на одбраната, јавува Анадолу.

Портпаролот на Министерството за национална одбрана, адмирал Зеки Актурк, ја потврди посветеноста на земјата да им се спротивстави на терористичките организации, како што се ПКК/ПЈД/ЈПГ/СДГ и ДЕAШ, велејќи дека „нема да бидат дозволени терористички формации или еднострано извршувани работи во регионот“.

„Ќе продолжиме да преземаме превентивни и решителни мерки против сите терористички организации“, рече Актурк на неделниот брифинг со новинарите во Анкара.

Тој рече дека тесно ќе соработуваат со новата администрација во Сирија за да се зајакнат одбранбените и безбедносните капацитети на земјата разурната од војна и да се олесни доброволното, безбедно и достоинствено враќање на Сиријците.

Делегација од Министерството ја посети Сирија вчера за технички разговори, додаде тој.

„Како Туркије, ќе продолжиме да стоиме покрај сирискиот народ, како што правевме досега“, рече тој.

„Вчерашната посета е значајна бидејќи ја означува посетата на првата делегацијата и првиот контакт од седиштето на нашето Министерство во Сирија. На средбата беа разменети мислења за тоа што може да се направи на полето на одбраната и безбедноста, особено за заедничките напори за борба против терористичките организации што претставуваат закана и за Сирија и за Туркије. Нашите дискусии ќе продолжат во согласност со потребите што ќе се појават во наредниот период“, истакна портпаролот.

- Воени операции во Ирак и Сирија

Актурк, исто така, истакна дека турските сили спроведуваат „континуирани и сеопфатни“ антитерористички операции за да ги елиминираат заканите од нивниот извор.

„Во текот на изминатата недела 57 терористи беа неутрализирани во антитерористичките операции спроведени во Северен Ирак и Сирија, со што вкупниот број оваа година достигна 278“, рече тој.

„Дополнително, тројца терористи на ПКК се предадоа минатата недела“, додаде тој.