Турција: Откриени човечки коски и парчиња од керамички садови кои датираат од железно време

ВАН

Во подрачјето на Ерџиш во турската област Ван откриени се човечки коски и парчиња од керамички садови за кои се претпоставува дека датираат од железно време, јавува Агенција Анадолија (АА).

Жителите на местото Челебибаги на безбедносните служби пријавија дека откриле човечки коски на брегот на езерото Ван.

На местото на настанот извршено е истражување од страна на археолошки тим од ова подрачје.

Во рамки на истражувањето, откриени се човечки коски, како и парчиња од керамички садови.

Според соопштеното, се претпоставува дека овие откритија датираат од железно време.

Продолжуваат истражувањата во оваа зона.