Fransayê ji bo ambargoya li ser Qeterê gav avêt

PARÎS

Wezareta Karên Derva ya Fransayê diyar kir ku ji bo çareserkirina qeyrana ku ji ber ambargoya danîne ser Qeterê derkete holê nûnerekî dîplomatîk tayîn kir.

Agnes Romatet-Espagneya Berdevka Wezareta Karên Derva ya Fransayê di civîna çapemeniyê ya heftane da got ji bo li ser mijara navçîtiyê ya ji bo çareserkirina qeyrana di navbera Qeterê û welatên cînar da xebatan bidomîne Balyozê Riyadê yê berê Bertrand Besancenot wezîfedar kir.

Romatet-Espagneyê destnîşan kir ku balyozê di demeke kin da here herêmê û ji bo kêmkirina ragêşiyê temasan dayen.

Erebistana Siûdî, Behreyn, Mîrektiyên Yekbûyî yên Erebî û Misrê di serê hezîranê da bi hinceta piştgirdayîna Îranê û hin komên tundrew va têkiliyên xwe yên bi Qeterê ra birîbûn û ambargo danîbûn ser welêt.

Di van demên dawîn da Fransayê di qada pîşesaziya parastinê da gelek tişt firotibûn Qeterê.