Hêzên Îsraîlê li Şerîeya Rojava 23 Filistînî binçav kirin

Eskerên Îsraîlê li Şerîeya Rojava ku di bin îşxalê da ye 23 Filistînî binçav kirin.

Li gorî daxuyaniya nivîskî ya artêşa Îsraîlê, li çend herêmên Şerîeya Rojava bi şev li dijî malên Filistîniyan operasyon hatin kirin û bi îdiaya ku "tevî bûyerên terorê bûne" 23 Filistînî hatin binçavkirin.

Di daxuyaniyê da hat diyarkirin ku Filistîniyên binçavkirî sewqî navenda binçavkirinê ya li herêmê kirin.

Li Şerîeya Rojava û Qudsa Rojhilat ya ku dagirkirî, hêzên Îsraîlê gelek caran li ser malan digirin û bi îdiayên cuda Filistîniyan binçav dikin.

Li Şerîeya Rojava û Qudsa Rojhilat Filistîniyên tên binçavkirin ên di nav da jin û zarok jî hene bi rojan li navendên binçavkirinê tên girtin.

Li gor çavkaniyên fermî yên Filistînê di girtîgehên Îsraîlê da nêzî 500î girtiyên îdarî, 220 jê zarok ji 5 hezarî Filistînî hene.

Îsraîl bi navê "girtîbûna îdarî" va Filistîniyan li gor îstixbaratê di navbera mehek û 6 mehan da digire. Heke biryar were dayîn ku girtî ji bo "Ewlehiya Îsraîlê talûke ye" hakimê eskerî bêyî ku sûc îsnad bike dikare maweya girtîbûnê heta 5 salan dirêj bike.