Li Îranê hejmara miriyên Kovîd-19ê derket 6 hezar û 937 kesan

Li Îranê di 24 saetên dawîn da ji ber vîrusa koronayê ya tîpa nû (Kovîd-19) 35 kesên din mirin û hejmara miriyan derket 6 hezar û 937 kesan.

Kiyanuş Cîharpurê Berdevkê Wezareta Tenduristiyê daxuyanî da televizyona dewletê û diyar kir ku li welêt 35 kesên din ji ber Kovîd-19ê mirin û 1757 kes jî bi vîrusê ketin.

Li gor vê di nav 70 rojên dawîn da herî kêm îro meriv mirin.

Cîhanpur destnîşan kir ku hejmara miriyan derket 6 hezar û 937an, hejmara nexweşan jî derket 118 hezar û 392 kesan.

Cîhanpir got ku rewşa 2 hezar û 716 kesan kirîtîk e, hetanî nika 93 hezar û 147 kes rind bûn û gihîştin siheta xwe.

Cîhanpur diyar kir ku li welêt hetanî nika ji bo 672 hezar û 679 kesî testa Kovîd-19ê hat kirin.