Qesra Besrayê ya Sedamê pêşengê maxlû yê Iraqê kirin pirtûkxane

Li bajarê Besrayê yê ku dikeve başûrê Iraqê, avahiya ku wextekî qesra Sedam Huseyînê pêşengê maxlû bû, veguherandin pirtûkxaneyeke berhemên dîrokî û pirtûkan.

Di pirtûkxaneyê da li ser berhemên dîrokî yên li Iraqê û qadên arkeolojîk koleksiyoneke berfireh a pirtûk û destxetan heye. Di vê pirtûkxaneyê da akademîsyen dikarin bi rehetîkî xwe bigihînin pirtûk, destxet û çavkaniyên arkeolojîk.

Midûrê Daîreya Berhemên Dîrokî ya Besrayê Mistefa el-Husaynî daxuyanî da nûçegihanê AAyê û got, "Pirtûkxane ne tenê li Besrayê, li başûrê Iraqê pirtûkxaneya ewil e ku tê da berhemên dîrokî hene."

Husaynî wiha dewam kir, "Di vê pirtûkxaneyê da 5 hezar pirtûk hene. Ji bo şêniyên bajarên başûrê Iraqê ev pirtûkxane tiştekî nû ye. Di vê koleksiyona pirtûkan da pirtûk li ser Sumerî, Babilî, Asûrî û heyamên din ên kevnare ên li Iraqê ne."