Tirkmen talibê cîgiriya serokê Herêma Kurdistanê ne

KERKÛK

Parlamenterê berê yê tirkmen Fewzî Ekrem Terzîoglu destnîşan kir ku divê peywira cîgiriya serokê Herêma Kurdistana Iraqê bidin tirkmenan.

Terzîoglu daxuyanî da peyamnerê AAyê û wiha xeber da, "Li Herêma Kurdistana Iraqê piştî kurdan, miletê duyemîn ê girîng tirkmen in. Ji ber hindê cîgiriya serokê herêmê heqê wan e. Tirkmenên li herêmê divê hemû mafên xwe yên neteweyî, siyasî û çandî li ser zemîneke demokratîk biemilînin."

Terzîoglu herwisa bal kişand ku li Herêma Kurdistanê bi sed hezaran tirkmen dijîn û parlementerên wan hene û wiha pê da çû, "Kurd îro li hikûmeta Bexdayê xwediyê postêên wekî serokomar, alîkarê serokwezîr û wezîr in. Tirkmen jî li herêmê divê xwedan heman mafan bin. Herwiha divê di warê leşkerî û ewlekariyê da jî cih bidin tirkmenên ku di tevahiya xeleka dîrokê da di warê parastina herêm û welat da xwedan roleke diyarker bûn."

- "Tirkmen divê nayên paşguhkirin"

Terzîoglu dîsa bal kişand ku di têkoşîna dijî DEAŞê da fedakariya tirkmenan jî çêbû û herwisa qurbaniyên wan jî hene û wiha dewam kir:

"Tirkmen di serdema rêveberiya têkçûyî (serdema Sedam Huseyn) û 14 salên dawîn da gelek qurbanî dan. Ji ber hindê di rêveberiyê da tirkmen divê neyên paşguhkirin."