Li Erzirom, Qers, Erdexan, Agirî û Tunceliyê sir û serma heye

ERZURUM (AA) - Li Erzirom, Qers, Erdexan, Agirî û Tunceliyê hewa gelekî sar e.

Li Erziromê demeke berf dibare ku ji ber vê hewa sar e.

Li bajarê ku kuçe û kolan, dar û ber çîlspî bûn, germahiya hewayê bi şev di binê sifirê da 15 pile hat pîvan.

Ji ber hewaya sar paceyên wesayitan cemidî, li ser banê xaniyan şembelûk çêbûn û peyarêyan jî qeşa girt.

Ekîbên şaredariyê û rêbejayan ji bo paqijkirina berfê dixebitin.

- Qers

Li Qersê berfa ku bi şev barî serê sibê bû sedema sermayê.

Li ser peyarê û rêyan qeşa çêbû.

Ekîb xebatên paqijkirina berfê û xoykirinê didomînin.

Li navçeya Sariqamîşê jî berf dem demî dibare.

Li navçeyê li ser banê avahiyan şembelûk çêbûn, welatiyan berfa li ber mal û kargehên xwe paqij kir.

- Erdexan

Li Erdexanê ji ber hewaya sar li ser rê û peyarêyan qeşa çêbû.

Li cihên bilind ên bajêr berf û bager heye.

- Agirî

Berfa ku bi rojan e li Agiriyê dibare bû sedema sermayê.

Ji ber hewaya sar rûyê Çemê Mûradê û robaran qeşa girt.

- Tuncelî

Li Tunceliyê ji ber hewaya sar li kuçeyan qeşa çêbû.

Li bajêr çem û robaran qeşa girt.

Dar û berên li Parka Neteweyî ya Geliyê Mûnzûrê qiravî girt.

Ekîban xoy li ser rê reşandin ku qeşa çênebe.