Li Erzirom, Qers, Erdexan û Agiriyê hewa sar e, mij û qiravî çêbû

Li Erzirom, Qers, Erdexan û Agiriyê mij çêbû, ji ber hewaya sar dar û beran qiravî girt û paceyên wesayîtan bi qeşayê nixûmî.

Li Erziromê bi şev germahiya hewayê di bin sifirê da 5 pile hat pîvan, ji ber hewaya sar û mija ku serê sibê çêbû dar û beran qiravî girt.

Hin welatiyan qeşaya li ser paceyên wesayîtên xwe paqij kir.

Ji bilî navenda bajêr, li ser rêya Erzirom-Qersê û rêya hawîrdor jî ji ber ku mij çêbû, mesafeya dîtinê heta 10-15 mêtroyan kêm bû û şofêran bi zehmetî wesayîtên xwe ajot.

- Erdexan

Li Erdexanê jî hewa sar e.

Germahiya hewayê bi şev daket bin sifirê, ji ber vê qeşa û qiravî çêbû.

Paceyên wesayîtan, dar û beran qiravî girt.

- Qers

Li Qersê germahiya hewayê bi şev di bin sifirê da daket 6 pileyan û qiravî çêbû.

Hin welatiyan betanî û xalîçe avêtin ser wesayîtên xwe ku ji sermayê biparêzin.

- Agirî

Li Agiriyê jî ji ber ku mij çêbû, li navenda bajêr û dora wê mesafeya dîtinê kêm bû.

Şofêran lembeyên wesayîtên xwe vêxistin ku bi rehetî herin û bên.

Dîmenê esmanê ku mij lê heye bi dronê hat kişandin.