Li Rojhilata Anadoluyê zivistan

VAN

Li Herêma Rojhilata Anadoluyê berfê rêya 28 gund û mezreyên Wan, Bedlîs, Mûş û Hekariyê girt.

Li gor daxuyaniya Şaredariya Bajarê Mezin ê Wanê, berf û bagerê li giştiyê bajêr rêya 7 gund û mezreyan girt, ekîb ji bo ku rê vekin dixebitin.

Midûrê Xizmetên Rê û Çûyînhatinê yên Îdareya Taybet a Bedlîsê Umît Kurtkan jî diyar kir ku berfê li giştiyê bajêr rêya 14 gund û mezreyan girt.

Kurtkan diyar kir ku ji bo vekirina rêyên girtî xebat dewam dikin, ji bo rewşên acil ekîb amade ne.

- Mûş û Hekkarî

Li Mûşê berf û pûkê rêya 4 gundên li ser navendê girt.

Midûrê Xizmetên Hatinçûyînê yên Îdareya Taybet a Bajêr Mehmet Şah Şenturk diyar kir ku ji bo vekirina rêyên girtî ekîb dixebitin.

Ekîbên rêbejê yên şaxa Mûşê jî ji bo ku rêya Mûş-Kizilagaçê vekin, li texma Çiyayê Kozmayê dixebitin.

Ekîb rê xwê dikin ku bûza rê bihele.

Li Hekariyê ji ber rewşa hewayê çûyîn û hatina gundek û 2 mezrayan tuneye.

Ekîbên berfê yên Îdareya Taybet a Bajêr dixebitin ku rê vekin.

Li gor daxuyaniya ku ji Midûriya Herêma 14emîn a Meteorolojiyê hat dayîn, li giştiyê herêmê hewa wê ewrsayî be, serê sibê û bişev dê cemed çêbibe û cî bi cî mij û xumam wê were dîtin.