Li rojhilatê berf û serma tesîrê li ser jiyanê dike

Li Erzirom, Erdexan, Agirî û Qersê sir û sermaya zêde tesîrê li ser jiyanê dike.

Li Erziromê germahiya herî kêm a bi şev dakete binê 10 pileyî, berf jî dem demî dibare.

Li bajêr pêyarê û rêyan cemed girt, li ser dar û baniyan şembelûk çêbûn, kaniyên mizgeftan jî ji ber ku qeşa girtin nakişin.

Ekîbên rêbejayê û şaredariyê ji bo rê neyên girtin xoyê direşînin.

- Qers

Li Qersê ji ber berfa ku 6 roj e dibare germahiya herî kêm a bi şev dakete binê 14 pileyan.

Welatiyan berfa li ser wesayîtên xwe paqij kir.

Li bajêr heywanên kovî jî ji ber sir û sermayê bê xwarin man.

Ekîbên Midûriya Herêma 18emîn a Rêbejay û Îdareya Taybet a Bajêr û Şaredariya Qersê ji ber berfê dixebitin.

- Erdexan

Li Erdexanê hewaya sar piştî demekê cihê xwe ji berfê ra hîşt.

Ji ber berf û sermayê navenda bajêr çîl spî bû.

Ekîbên berfê dixebitin ku rê neyên girtin.

- Agirî

Li Agiriyê ji ber berfê kuçe û kolan spî bûn.

Ekîbên şaredariyê ji ber berfê dixebitin.