Li Wan, Hekarî û Bidlîsê berf û bagerê rêya 316 cî û waran girt

Li Wan, Hekarî û Bidlîsê berf û bagerê rêya 316 cî û waran girt.

Li Wanê ji ber berf û bagerê rê hatin girtin ku ji bo vekirina wan xebat dewam dikin.

Li gor daxuyaniya Şaredariya Bajarê Mezin a Wanê, li tevahiya bajêr rêya 671 tax û mezrayan hat girtin.

Hat daxuyandin rêya 555 tax û mezrayan hatin vekirin, ji bo 116 rê bên vekirin jî xebat didomîn.

- Bidlîs

Midûrê Xizmetên Rê û Gihandinê yê Îdareya Taybet a Bajêr ya Bidlîsê Umît Kurtkan diyar kir ku ji ber berf û bagerê rêya 25 gundan hat girtin.

Kurtkan got ekîb ji bo vekirina rêyan xebatên xwe bênavber didomînin.

Ekîbên şaredariyê û rêbejayê li navenda bajêr û kuçeyên sereke berfê paqij dikin.

- Hekarî

Li gor agahiya Îdareya Taybet a Bajêr, li Hekariyê ji ber rewşa hewayê ya nebaş rêya 298 gund û mezrayan hat girtin.

Hat daxuyandin rêya 123 gund û mezrayan hat vekirin, ji bo vekirina 175 rêyên din jî xebat dewam dikin.

Ekîbên şaredariyê jî li navenda bajêr ji bo avêtina berfa kuçe û kolanan dixebitin.

Ji ber ku li gundê Çigliyê yê navçeya Çukurcayê û li nav sînorê gundê Ortakoya Şirnexê şepe ket rêya Hekarî û Şirnexê hat girtin.

Personelên rêbejayê ji bo vekirina wê dixebitin.

Li ser rêya Hekarî û Yuksekovayê 2 hefte berê hezaz çêbû û hê jî car caran kevir û zinar dikevin ser rê.

Ekîbên Şeftiya Şaxa 117emîn a Rêbejan zinar û keviran paqij dike û çûyîn û hatina rê bi kontrolî ye.

- Mûş

Li Mûşê 2 roj berê berfê dayê û rêyên 114 gundan ku hatibûn girtin, hatin vekirin.

Sekreterê Giştî yê Îdareya Taybet a Bajêr Şeyhmus Yentur diyar kir ku li deverên bilind berf ket.

Yentur daxuyand ku wan hemû rêyên ku berfê girtibûn, vekirin û ekîb rêyan fireh dikin.

Yentur daxuyand ku seba rewşên acil ekîb amade sekinîne.