Şeva Mewlûdê ya ku roja jidayikbûna Hezretî Mihemedê Pêxemberê dawîn tê qebûlkirin, îro tê pîrozkirin.
Alema Îslamê bi sedan sale 12ê meha rebîulewelê ya gorî salnameya Hicrî ji ber hezkirin û mihebeta Cenabê Pêxember wek roja Şeva Mewlûdê pîroz dike.
Mewlûd di ferhengê da tê wateya "cih û wexta jidayikbûnê" di çanda Îslamê da jî bi taybetî ji bo rojbûna Hezretî Mihemed Pêxember, merasimên di vê çarçoveyê da tên kirin û berhemên hatine nivîsandin, tê gotin.
Şeva Mewlûdê di heyama Hezretî Mihemed sax bû, wextê Çar Xelîfeyan de, di Emewî û Ebasiyan da nehatiye pîrozkirin û di heyama Fatimiyan da derketiye holê û wek kevneşopî belav bûye û paşê di nav alema Îslamê da wek rojeke pîroz hatiye kifşkirin.
Di nav miletê Tirk, Kurd û Ereb da ji bo xatirê Cenabê Pêxember gelek berhemên bi navê "Mewlûd"ê hatine nivîsandin.
Di nav miletê Tirk da ya herî zêde tê zanîn mewlûda Silêman Çelebî ye û di nav miletê Kurd da jî bi dehan mewlûd hene lê yên herî zêde tên zanîn ya Meleyê Bateyî û Ehmedê Heyderî ye.
