"پێویسته‌ لێپێچینه‌وه‌ له‌گه‌ڵ ئه‌وانه‌دا بكه‌ین كه‌ كوده‌تایان ده‌ستپێكرد"

سه‌رۆكوه‌زیرانی توركیا یڵدرم: "ئێستا بابه‌ته‌كه‌ گۆڕاوه‌. پردی یه‌كه‌م ئینگلیزه‌كان دروستیان كرد و ئێمه‌ جێبه‌جێكار بووین. پردی دووه‌میش ژاپۆنییه‌كان دروستیان كرد و ئێمه‌ جێبه‌جێكار بووین. پردی سێیه‌م توركه‌كان دروستی ده‌كه‌ن و كۆرییه‌كان جێبه‌جێكارن. ئۆسمان گازی توركه‌كان دروستیانكرد و ژاپۆنییه‌كان جێبه‌جێكاربوون. ئه‌مه‌ ده‌ریده‌خات توركیا گۆڕانكاریی به‌سه‌رداهاتووه‌. توركیا ئیدی ده‌ڵێت منیش هه‌م. ده‌ڵێت ئیدی له‌دواوه‌ ناڕۆین و شان به‌شانی یه‌كتر ده‌ڕۆین. ئه‌مه‌ به‌ باوه‌ڕبه‌خۆبوون ده‌كرێت. ئه‌مه‌ به‌ بینیی ئاینده‌ی وڵات ده‌بێت. ئه‌م گه‌له‌ ئاینده‌ی خۆی بینی. كه‌ی بینیی؟ 15ی ته‌مووز، ئاینده‌شی بینی و راستییه‌كانیشی بینی".

سه‌رۆكوه‌زیرانی توركیا یڵدرم: "پێویسته‌ به‌توندترین شێوه‌ لێپێچینه‌وه‌ له‌گه‌ڵ ئه‌وانه‌دا بكه‌ین كه‌ هه‌وڵی كوده‌تایان ده‌ستپێكرد. پێویسته‌ به‌وجۆره‌ی یاسا فه‌رمانده‌كات لێپێچینه‌وه‌یان له‌گه‌ڵدا بكه‌ین. پێویستیشە ریفۆرمی ته‌واو بۆ نه‌هێشتنی هۆکاره‌كانی كوده‌تا ئه‌نجامبده‌ین. ده‌بێت ته‌واوی په‌یوه‌ندییه‌كانی ئه‌و ڕێكخراوه‌ی ئه‌م هه‌وڵی كوده‌تایه‌ی ده‌ستپێكرد ئاشكرابكرێت و په‌یوه‌ندییه‌كانی له‌گه‌ڵ ده‌وڵه‌ت و گه‌لدا بپچڕێنرێت. له‌به‌رئه‌وه‌یه‌ باری نائاساییمان راگه‌یاندووه‌. به‌جیهانی كاركردنیشمان گوتووه‌، وه‌ستان نییه‌ ده‌بێت به‌رده‌وامبین. نابێت بۆ رۆژێكیش بوه‌ستن".