ئۆتۆمبیلی پەرلەمانتارێکی هەدەپە تووشی رووداوی هاتوچۆ بوو

هاتای - AA

ئۆتۆمبیلی پەرلەمانتاری ئادیامانی هەدەپە، بەهجەت یڵدرم لە شارۆچکەی هاسسای سەر بە پارێزگای هاتای، تووشی رووداوی هاتوچۆ بوو.

بە پێی ئەو زانیارییانەی دەستکەوتوون، شۆفێری ئۆتۆمبیلەکە راوێژکاری پەرلەمانتارەکە، زیا فورات بووە و کۆنترۆڵی ئۆتۆمبیلەکەی لەسەر رێگەی سەرەکیی هاسسا-عەنتاب لەدەستداوە. دواتر خۆی کێشاوە بە بەربەستەکاندا و پاشان بە ئۆتۆمبیلێکدا کە لەسەر هەمان ئاراستە بووە.

بەهجەت یڵدرم بێ ئەوەی بریندار بێت لە رووداوەکە رزگاری بووە و راوێژکارەکەشی لە رێگەی ئۆتۆمبیلی فریاکەوتنەوە بۆ نەخۆشخانەی گشتیی کرکهان گوازراوەتەوە.