تورکیا تەقینەوەکەی بەغدای ئیدانە کرد

وەزارەتی دەرەوەی تورکیا بەیاننامەیەکی بڵاوکردەوە کە تێیدا هاوخەمی خۆی دەربڕیوە سەبارەت بەو تەقینەوەیەی کە شەوی رابردوو لە بەغدای پایتەختی عێراق رووی دا و بەهۆیەوە ٨٦ کەس گیانیان لەدەست دا.
لە بەیاننامەکەدا هاتووە "بە توندی ئیدانەی ئەو جۆرە پەلامارانە دەکەین، داوا لە یەزدان دەکەین قوربانیانی رووداوەکە بە بەهەشتی بەرین شاد بکات و هەروەها هیوای شیفای بە پەلەش بۆ برینداران دەخوازین".
لە بەیاننامەکەدا هەروەها جەخت لەسەر برایەتی لەگەڵ عێراق کراوەتەوە و رایگەیاندوە کەوا پێویستە لە رۆژە سەختەکاندا پشت لەیەکتر نەکەین و شانبەشانی یەک روبەڕووی تیرۆر و ناخۆشییەکان ببینەوە.