تورکیا.. رەوانەکردنی ئۆتۆمبێلی سەربازیی بۆ یەکەکانی سەر سنووری سووریا

هاتای - AA

ئەو ئۆتۆمبێلە سەربازیی و ناقیلە زرێپۆشانەی وەک پشتیوانیی بۆ یەکە سەربازییەکانی سەر سنووری سووریا رەوانەکرابوون، گەیشتنە شارۆچکەی رەیحانڵی سەربە پارێزگای هاتای.

ئەو کاروانە سەربازییەی کە ئۆتۆمبێلە سەربازیی و ناقیلە زرێپۆشەکانی لەخۆدەگرت و لە یەکە جۆراوجۆرەکانی ناوخۆی تورکیاوە رەوانەی سەر سنووری ئەو وڵاتە لەگەڵ سووریادا کرابوون، دوای ئەوەی گەیشتنە شارۆچکەکە، بەرەو هێڵی سنووری نێوان تورکیا-سووریا بەڕێکەوتن.

ئەوەش زانراوە کە ئۆتۆمبێلە سەربازییەکان و ناقیلە زرێپۆشەکان کە بە یاوەری هێزە ئەمنییەکان دەگوازرانەوە، بە مەبەستی پشتیوانیی لە یەکەکان رەوانەی سەرسنوور کراون.