سەرکۆمار ئەردۆغان پیرۆزبایی جەژنی قوربانی لە سەرۆکی وڵاتان کرد

ئەنقەرە - AA

سەرکۆماری تورکیا ڕەجەب تەیب ئەردۆغان پەیوەندییەکی تەلەفۆنی لەگەڵ سەرکۆماری ئێران مەسعود پزیشکیان و سوڵتانی عومان، هەیسەم بن تارق ئەنجام دا.

بە پێی ڕاگەیاندراوێکی فەرمانگەی پەیوەندییەکان سەر بە سەرۆکایەتی کۆماری تورکیا، لە گفتوگۆ تەلەفۆنییەکەدا لەگەڵ سەرکۆماری ئێران، پەیوەندییەکانی نێوان دوو وڵات و پرسە هەرێمی و جیهانییەکان گفتوگۆی لەبارەوە کراوە.

سەرکۆمار ئەردۆغان هەروەها ڕایگەیاندووە کە ئەوان سوورن لەسەر هەنگاونان بۆ بەهێزکردنی پەیوەندییەکانی نێوان ئێران و تورکیا.

هاوکات فەرمانگەی پەیوەندییەکان ڕاشیگەیاند کە سەرکۆماری تورکیا پەیوەندییەکی تەلەفۆنی لەگەڵ سوڵتانی عومان، هەیسەم بن تارق ئەنجام دا.

لە گفتوگۆ تەلەفۆنییەکەدا پەیوەندییەکانی نێوان دوو وڵات و هەوڵەکان بە ئاراستەی بەهێزکردنی و هەروەها پرسە هەرێمی و جیهانییەکان گفتوگۆی لەبارەوە کراوە.

سەرکۆمار ئەردۆغان لە هەردوو پەیوەندی تەلەفۆنیدا، پیرۆزبایی جەژنی قوربانی لێ کردوون.