لە گەرووی ئیستانبوڵ نمایشی یادی ١٠٠ ساڵەی دامەزراندنی تورکیا ئەنجام درا

ئیستانبوڵ - AA

بە بۆنەی ٢٩ی تشرینی یەکەم جەژنی کۆماریی و یادی ١٠٠ ساڵەی دامەزراندنی تورکیا، ٢٠٢٣ دانە درۆن نمایشیان ئەنجام دا و بە یارییە ئاگرینەکان و نمایشی ڕووناکی گەرووی ئیستانبوڵ ڕازێندرایەوە.

لە نمایشی درۆنەکان، نەخشەی تورکیا و ئاڵای تورکیا لە ئاسمان نەخشێندرا و لە پاڵیاندا وێنەی سەربازێکی تورکیا بە دیارکەوت و نووسراوی "سەدەی تورکیا" و "سەدەمین ساڵ" دەرکەوت.

لە سەرانسەری ئیستانبوڵ ئەو نمایشانە بۆ ماوەی ٢٥ خولەک بەردەوام بوو.

خەڵکی ئیستانبوڵیش بە لەدەستگرتنی ئاڵای تورکیا و چەپڵە لێدان جۆش و خرۆشی خۆیان بۆ بۆنەکە دەربڕی.

نمایشەکە ڕاستەوخۆ لە شاشە گەورەکانی شارەکە پێشان دەدران.