مه‌ولود چاوشئۆغڵو: "ده‌بێ لێپرسینه‌وه‌ له‌گه‌ڵ ئیسرائیل بكرێت"

ئانتاڵیا - AA

وه‌زیری ده‌ره‌وه‌ی توركیا مه‌ولود چاوشئۆغڵو رایگه‌یاند: "ئه‌گه‌ر ئیسرائیل به‌هۆی بڵاوكردنه‌وه‌ی تیرۆر و تۆقاندن لێپرسینه‌وه‌ی له‌گه‌ڵ نه‌كرێ ئه‌وا سه‌ره‌ڕۆییه‌كانی زیاتر ده‌بن. بۆیه‌ ده‌بێ لێپرسینه‌وه‌ی له‌گه‌ڵ بكرێت. ئه‌مڕۆ وه‌زیری ده‌ره‌وه‌ی فه‌ڵه‌ستین ریاز ئه‌لمالیكی دۆسیه‌ی كاره‌كانی ئیسرائیلی راده‌ستی دادگای سزای نێوده‌وڵه‌تی كرد. ده‌ست (له‌و دۆسیه‌یه‌) هه‌ڵناگرین".

له‌ میانی دانانی به‌ردی بناغه‌ی پڕۆژه‌یه‌ك له‌ ئانتاڵیا، چاوشئۆغڵو گوتارێكی پێشكه‌ش كرد.

له‌باره‌ی كۆمه‌ڵكوژیی ئیسرائیل وه‌زیری ده‌ره‌وه‌ی توركیا مه‌ولود چاوشئۆغڵو گوتی: "ئه‌گه‌ر ئیسرائیل به‌هۆی بڵاوكردنه‌وه‌ی تیرۆر و تۆقاندن لێپرسینه‌وه‌ی له‌گه‌ڵ نه‌كرێ ئه‌وا سه‌ره‌ڕۆییه‌كانی زیاتر ده‌بن. بۆیه‌ ده‌بێ لێپرسینه‌وه‌ی له‌گه‌ڵ بكرێت. ئه‌مڕۆ وه‌زیری ده‌ره‌وه‌ی فه‌ڵه‌ستین ریاز ئه‌لمالیكی ئه‌مڕۆ دۆسیه‌ی كاره‌كانی ئیسرائیلی راده‌ستی دادگای سزای نێوده‌وڵه‌تی كرد. ده‌ست له‌و دۆسیه‌یه‌ هه‌ڵناگرین".